فــــقير الـــــشعر
أكتب أشعاري لبنتٍ عسىَ تلاقينيِ
وتحس بكل حرفٍ رحل في قوافيهاَ
كتبتها قصيده وخطيتها من سنينيِ
ويا رب تفهم معاناتي أللي أجت فيهاَ
أبيات شعري صغتها من حنينيِ
لجل تشعر بدفئها وتطمع بأمانيهاَ
رسمتها غزل واسمها صار لي عناويني
مره أوصفها قمر ومر بسود لياليها
ومره أتخيلها ملاك بحبها تحميني
وإلا براءة طفل بطبعها يحليها
يا ما هجيت بأسلوبي وفني معاصرين
يوزلزال شعري الثائر ماحرك مبانيها
كم شاعر بطرحي قهرته بعدها يجيني
يطلب العلم والنور وأبسطها وما أخفيها
وما هقيت بنت حلوه تقلب كل موازيني
لجلها أسهر الليل وبفكري أحاكيها
ثرثار شعري سكت العالم حواليني
ولعن أبو شيطانها أخرس لم ألاقيها
كنزي دفنته في وسط دواويني
وأهديتها شقي عمري لجل أهنيها
واسم فقير الشعر صار يهويني
أبيع العالم أو أخسرهم لجل أراضيها
مستعد أبيع نفسي لجلها بس لا تخليني
مستعد أموت بحبها وأسأل الخالق يخليها
مستعد أعشق غربتي بس لازم تجيني
وإلا بدونها دار سكنته غربتي فيها
قولوا لها ما أريد غير حبها تهديني
والقمر بميلادها مستعد أغلفه وأهديها
لو لقيتوها بلغوها بحبها تغطيني
ولبن العصفور لوهي تشتهيه يجيها
لا كن حرام تصدعني ولحالي تخليني
عساها تجيني وأنا شِعريِ كلنا نفديها
ليست هناك تعليقات:
إرسال تعليق